Уругларга айыыл чок интернет Бодуңга хамаарышкан фамилия, телефон, школа дугаары, чурттап турар чериң адрези, пароль дээн ышкаш хууда медээлерни өске кижилерге айтып берип болбас, чажыт турар ужурлуг; Социал четкилерде эш-өөрүңнү ада-иеңге чугаалап тур. Чаа «эш» немээр деп шиитпирлеп алзыңза, ада-иең-биле сүмележип алганы дээре. Интернетте танывазың кижи кудумчуда дег айыылдыг бооп болур; Интернетте танывазың, билбезиң чүүлдерни ада-ие, улуг кижилерден кезээде айтырып, билип ап тур. Чүнү кылып болур-болбазын олар дораан айтып бээр. Интернетте кандыг оюннар ойнап турарың көргүзүп турар болзуңза, компьютерни багай вирустардан, өг-бүлеңни айыылдыг мошинниктерден камгалап турарың ол. Бир эвес сени интернетке таныжып алган эштериң ужуражырынче чалаар болза, чүгле ада-ие азы улуг кижи-биле кээп болуруңну сагындырып каг.

Уругларга орук дүрүмненери Машина оруун чүгле чадаг кижи эртер «зебрадан» кеш; Эртип болурун чөпшээрээн светофорнуң чүгле ногаан өңү чырый бээрге, ынчан кежер; Кылаштаар беттинде баштай солагай талазынче, оон ортузундан чарган шыйыг кээрге оң талазынче көрүп эртер. Светофорнуң ногаан чырыында саннар эвээш үени көргүзүп, четтикпейн баар хире болза, дараазында ногаан чырыкты манап ал, далашпа; Орукта халдып турар машиналар мурнунче халыва; Машина оруунга ойнап болбас; Чоогуңда чадаг кижи кежер чер чок болза, оруктуң кыдыы-биле кылаштап чорааш «зебрага» чедип ал.